٭…٭…٭…٭
(4) … 12دن کا مدنی تربیتی کورس :
مُلک و بیرونِ ملک کی اسلامی بہنوں کے لئے 12دن کا مدنی تربیتی کورس (رہائشی) ہوتا ہے۔
اس میں اسلامی بہنوں کو ’’ تجوید ‘‘ کے ساتھ قرآنِ پاک پڑھنے، نماز، وضو اور غسل کی دُرستی کے ساتھ ساتھ دیگر شرعی مسائل بھی سکھائے جاتے ہیں ۔
اسلامی بہنوں کے آٹھ مدنی کام:
اسلامی بہنوں کے مدنی کام، بالخصوص 8مدنی کام کی مَدَنی تربیت بھی کی جاتی ہے اسلامی بہنوں کے 8 مدنی کام یہ ہیں :
(1) اِنفرادی کوشش (2) گھر درس
(3) کیسٹ بیان (4) مدرسۃ المدینہ (بالغات)
(5) ہفتہ واراجتماع (6) علاقائی دورہ برائے نیکی کی دعوت
(7) ہفتہ وار تربیتی حلقہ (8) مدنی انعامات
اس کورس میں داخلہ کے لیے مندرجہ ذیل شرائِط ہیں :
(1) اِسلامی بہن کی عمر کم از کم 18 سال ہو۔
(2) قابلِ اطمینان محرم ساتھ ہو۔
(3) اسلامی بہن پر کوئی نہ کوئی تنظیمی ذمہ داری ہو۔
(4) جس ملک، صوبے یا شہر سے آ رہی ہیں وہاں کے مشاورت نگران اسلامی بھائی اور ذمہ دارہ اسلامی بہن کی تحریری اجازت ضروری ہے۔
(5) داخلہ دینے یا منسوخ کرنے کا اختیار مجلس کو ہے۔
(6) اردو لکھنا پڑھنا آتا ہو۔
(7) مَدَنی ماحول سے کم از کم 2سال سے وابستہ ہو۔
اللہ کرم ایسا کرے تجھ پہ جہاں میں
اے دعوتِ اسلامی تیری دھوم مچی ہو !
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
٭…٭…٭…٭
٭…تھوڑے احسان کا شکریہ …٭
فرمانِ مصطفے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ:جس نے تھوڑے احسان کا شکریہ ادا نہ کیا اس نے زیادہ کا بھی شکر ادانہیں کیا۔
(المسندللامام احمد بن حنبل ، الحدیث:۱۸۴۷۷، ج۶، ص۳۹۴)