امیرِ اہلِسنّتدَامَتْ بَرَکاتُہُمُ الْعَالِیَہسفرِ حج کے دوران جب تک مکہ مکرمہ میں رہے حتی الامکان کعبۃ اللہ شریف کو پیٹھ نہ ہونے دی اور برہنہ پا رہے۔طوافِ کعبہ کے دوران بھی آپ کاعجیب والہانہ انداز ہوتا ہے۔ آپدَامَتْ بَرَکاتُہُمُ الْعَالِیَہکو دیکھا گیا ہے کہ جسم سمیٹے، سرجھکائے اس طرح طواف ِ کعبہ میں مصروف ہوتے ہیں کہ آپ کی آنکھوں سے اشکوں کی برسات جاری رہتی ہے۔الغرض ایسا کیف آور منظر ہوتا ہے کہ دیکھنے والے بھی عاشقِ رسول کے اس رقت انگیز انداز کو دیکھ کر آبدیدہ ہوجاتے ہیں ۔
حضرت ِ سیدنا انس رَضِیَ اللہُ تَعَالٰی عَنْہُسے مروی ہے کہ نبی کریم ، رو ء ف رحیم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ جب سفر سے آتے اور مدینہ پاک کی دیواروں کودیکھتے تو اپنی سواری کو تیز فرما دیتے ، اگر کسی اور جانورپر ہوتے تومدینے (جلد پہنچنے )کی چاہت کے سبب اسے ایڑ لگاتے ۔ (صحیح البخاری ، کتاب فضائل المدینہ ، الحدیث ۱۸۸۶، ج۱ ، ص۶۲۰دار الکتب العلمیۃ بیروت)
۱۴۰۶ھ کے سفرِ حج میں امیرِ اہلِسنّتدَامَتْ بَرَکاتُہُمُ الْعَالِیَہکی طبیعت ناساز تھی۔ سخت نزلہ ہوگیا، ناک سے شدّت کے ساتھ پانی بہہ رہاتھا۔ اس کے باوُجود آپ نے کبھی بھی مدینہ پاک کی سرزمین پر ناک نہیں سنکی بلکہ آپ کی ہرادا سے ادب کا ظُہور ہوتا۔ جب تک مدینہ منّورہ میں رہے حتی الامکان گنبدِخضر اکو پِیٹھ نہ ہونے دی۔
مدینہ اس لئے عطّارؔ جان ودل سے پیاراہے
کہ رہتے ہیں مِرے آقامِرے دلبر مدینے میں صَلَّی اللہُ تَعَالٰی عَلَیْہِ وَاٰلِہٖ وَسَلَّمَ
؎ جب مزارات اولیاء و بُزُرگان دین پرحاضری کا صحیح طریقہ یہی ہے کہ قدموں کی جانب سے حاضر ہو اور سرِمبارَک کی جانب سے حاضری مناسب نہیں تو پھر تمام اولیاء کے آقا بلکہ سیدالانبیا علیہ الصلوٰۃ و السلام کے دربار میں اس طریقے سے ہٹ کرحاضر ی دینا کسی عاشق کو کیسے گوارا ہوسکتاہے۔ چُنانچہ امیرِ اہلِسنّتدَامَتْ بَرَکاتُہُمُ الْعَالِیَہباب جبرئیل جو کہ سرکارِدوعالم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے قدمین شریفین میں واقع ہے، وہاں سے داخل ہوتے حالانکہ آپ کو بَہُت مشکل کا سامنا کرنا پڑتا کیونکہ مُرَوَّجہ نظام کے تَحت خصُوصاً ایّام حج میں بابُ السّلام سے داخلہ کا انتظام ہوتا ہے اور باب جبریل سے خُروج کا۔
۱۴۰۶ھ کی حاضری کے دوران مسجدِ نبوی شریف میں جاروب کشی کی آرزونے بے تاب کیا چُنانچہ امیرِ اہلِسنّتدَامَتْ بَرَکاتُہُمُ الْعَالِیَہنے خادمینِ حرم شریف سے اپنی خواہش کا اظہار کیا۔ ان کی اجازت پر آپ نے چند لمحوں کیلئے جاروب کشی کی سعادت حاصل کرکے مسجد نبوی کے جاروب کشوں کی فہرست میں اپنا نام درج کرایا۔
جارو کشوں میں چہرے لکھے ہیں ملوک کے
وہ بھی کہاں نصیب فقط نام بھر کی ہے (حدائق بخشش)
کبھی کبھی میٹھے مدینے کی گلیوں سے گزرتے ہوئے وہاں کے جاروب کشوں کے ہاتھ سے جھاڑولے کر آپ نے مدینے کی گلیوں میں جاروب کشی کی سعادت بھی حاصل کی ہے۔ا س کی تمنّا کرتے ہوئے ولی کامل ، عاشقِ صادق حضور مفتی اعظم ہند مصطفی رضاخان عَلَیْہِ رَحْمَۃُ الرَّحْمٰنفرماتے ہیں ۔
خداخیرسے لائے وہ دن بھی نوریؔ
مدینے کی گلیاں بہارا کروں میں (سامانِ بخشش)
جب مدینہ منّورہ سے جدائی کی گھڑیاں قریب آتی ہیں تو امیرِ اہلِسنّتدَامَتْ بَرَکاتُہُمُ الْعَالِیَہکا اضطراب بَہُت بڑھ جاتا ہے۔ آپ جدائی کے غم میں بے چین ہوجاتے ہیں ۔مدینے شریف سے جدائی کا منظر کماحقہ لفظوں میں بیان کرنا بے حد مشکل ہے۔ آپ نے ۱۴۰۰ھ کی حاضری میں رخصت کے وقت اشکبار آنکھوں سے سنہری جالیوں کے روبروعین مواجہہ شریف میں اپنی الوداعی کیفیت کا جو نقشہ اپنے اشعار میں کھینچا ہے اس کے چنداشعار ہدیۂ ِقارئین ہیں ۔
آہ! اب وقت رخصت ہے آیا الوداع تاجدارِمدینہ
کوئے جاناں کی رنگیں فضاؤ!اے معطر مُعَنبر ہواؤ
صدمۂ ہجرکیسے سہوں گا الوداع تاجدارِمدینہ
لو سلام آخری اب ہمارا الوداع تاجدارِمدینہ
کچھ نہ حُسنِ عمل کرسکاہوں ، نَذْر چند اشک میں کررہاہوں
بس یہی ہے مرا کل اثاثہ الوداع تاجدارِ مدینہ
آنکھ سے اب ہُوا خون جاری ، روح پر بھی ہوا رنج طاری
جلد عطّارؔ کو پھر بلانا الوداع تاجدارِ مدینہ
اس الوداعی کلام میں اس قدر سوزہے کہ آج بھی کوئی عاشقِ رسول اسے پڑھتا ہے تو اس کی آنکھیں نَم ہوجاتی ہیں ۔یہ تو وہ کلام ہے جسے بارگاہِ رسالت صَلَّی اللہُ تَعَالٰی عَلَیْہِ وَاٰلِہٖ وَسَلَّمَسے