میٹھے میٹھے اسلامی بھائیو!صدرُ الافاضِل حضرتِ علّامہ مولیٰنا سیِّد محمد نعیم الدّین مُراد آبادی عَلَیْہِ رَحْمَۃُ اللہِ الْہَادِی اپنی کتاب’’ سوانِحِ کربلا ‘‘ میں یہ حِکایت نقل کرنے کے بعد فرماتے ہیں : در حقیقت بات یِہی ہے،  کیونکہ اَصحابِ کَہف پر کافِروں نے ظلم کیا تھا اور حضرتِ امامِ عالی مقام رَضِیَ اللہُ تَعَالٰی عَنْہ کو ان کے نانا جان صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی اُمّت  (کے لوگوں  )نے مہمان بنا کر بلایا،  پھر بے وفائی سے پانی تک بند کر دیا! اٰل واَصحاب عَلَيهِمُ الّرِضْوَان کو حضرتِ امامِ پاک رَضِیَ اللہُ تَعَالٰی عَنْہ کے سامنے شہید کیا۔  پھر خود حضرتِ امامِ عالی مقام رَضِیَ اللہُ تَعَالٰی عَنْہ کو شہید کیا،  اہلِ بیتِ کِرام عَلَيهِمُ الّرِضْوَانکو اَسیر (یعنی قیدی ) بنایا، سرِمبارَک کو شہر شہر پھرایا۔  اَصحابِ کہْف سالہا سال کی طویل نیند کے بعد بولے یہ ضَرور عجیب ہے مگر سرِانور کا تنِ مبارک سے جدا ہونے کے بعد کلام فرمانا عجیب تر ہے۔    (سَوانِحِ کربلا ص۱۷۵ )

خون سے لکھا ہوا شعر

      یزیدِپلید کے ناپاک لشکری جب  سیِّدُنا امامِ حُسین رَضِیَ اللہُ تَعَالٰی عَنْہ کے سرِ مبارَککو لے کرچلے اور پہلی منزل میں ٹھہرکر نَبِیذیعنی کَھجور کا شِیرہ پینے لگے۔  (ایک اور روایت میں ہے: وَھُمْ یَشْرَبُوْنَ الْخَمْر یعنی وہ شراب پینے لگے۔^([1])) اِتنے میں ایک لوہے کا قلم نُمُودار  ( یعنی ظاہر )ہوا اور اُس نے خون سے یہ شِعر لکھا:   ؎

اَتَرْجُوْ اُمَّۃٌ قَتَلَتْ حُسَیْنًا                                          شَفَاعَۃَ جَدِّہٖ یَوْمَ الْحِسَابِ

 (یعنی کیا حسین رَضِیَ اللہُ تَعَالٰی عَنْہ کے قاتل یہ بھی امّید رکھتے ہیں کہ روزِقیامت ان کے نانا جان صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی شفاعت پائیں گے؟)  (معجم کبیر ج۳ص۱۲۳حدیث۲۸۷۳ )  

        دوسری روایت میں ہے کہ حضورسرورِعالم  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی بعثت شریفہ  (یعنی اعلانِ نُبوّت ) سے تین سوبرس پہلے یہ شعرایک پتّھرپرلکھاہواملا۔    (اَلصَّواعِقُ الْمُحْرِقۃ ص۱۹۴ )

سرِ انور کی کرامت سے راہِب کا قَبولِ اسلام